Bolsa ensaia
5ª edición · Unha bolsa de 10.000€
Buscamos influír positivamente na túa traxectoria polo que, independentemente da actividade que realices, se tes entre 21 e 35 anos, cada ano lanzamos esta bolsa para ti.
Creada polas doazóns desinteresadas das máis de duascentas pingas (doantes) que compoñen esta comunidade está deseñada para aportarte valor.
| Consulta as bases aquí
| Comparte o cartel aquí
| Contribúe para dar dúas en 2026
· Prazo pechado para presentación de solicitudes dende o 2 de Novembro ás 23:00h (Galicia)
Seis
puntos fortes
desta bolsa
10.000€ para investir na túa traxectoria
Unha cantidade íntegra para investir no teu futuro. Ademáis da dotación económica e dentro das nosas posibilidades, buscamos impactar ao máximo na túa traxectoria co apoio de toda a comunidade, a través de encontros, recomendacións e visibilidade.
Sinxelo presentar a túa solicitude
Buscamos impulsar, apoiar e facilitar o camiño e vocación de persoas con impacto en Galicia. Aberta a calquera tipo de actividade, queremos que teñas liberdade no formato de presentación. Podes facelo escribindo, falando, debuxando ou cantando. Queremos coñecerte na túa esencia e facilitar o proceso de presentación a túa forma de ser.
Apoio a todas as persoas finalistas
Ademais de continuar co programa «A que andas?», no que todas as finalistas contarán cunha persoa de apoio da nosa comunidade durante un ano, traballamos para divulgar e dar a coñecer o teu proxecto con entrevistas e reportaxes fotográficas no noso novo podcast: «As follas novas».
Proceso respectuoso
A «Bolsa ensaia» non é un premio nin un concurso senón un humilde apoio ás traxectorias de persoas que impactan positivamente na nosa sociedade. Tratamos cada candidatura con agarimo, traballamos por informar con honestidade en cada punto do proceso e lemos as propostas con atención.
Moitas opcións futuras
O noso percorrido está comezando aínda que xa temos un plan de impacto para os próximos anos. Dalgún modo, cremos que animarte a participar se tes unha idea é importante porque no futuro soñamos con facer encontros, formaciós e achegar ferramentas de valor a todas as persoas candidatas. Ademáis, lembra que esta bolsa sae cada ano case nas mesmas datas.
Posibilidade da «Residencia»
Novamente, unha das persoas finalistas que non reciba a «Bolsa ensaia», será seleccionada para desfrutar da «Residencia ensaia» e pasar un mes, de balde, un mes nun espazo creativo de Galicia (Anceu coliving), cunha dotación a maiores de 600€ para os gastos.
Tres datas
importantes
10 de setembro de 2025
Apertura oficial do prazo de presentación de solicitudes para optar á bolsa, a través do formulario desta páxina web.
2 de novembro de 2025
Peche do prazo de presentación de solicitudes ás 23:00h galegas. Apertura dos procesos de validación, preselección, comunicación da selección e entrevistas.
20 de xaneiro de 2026
Comunicación final da decisión do xurado. Fixación do acto presencial e comezo da divulgación de todas as persoas finalistas.
Coñece ao xurado
A maiores destas seis persoas, todas as pingas da comunidade poden votar entre as candidaturas finalistas conformando o sétimo ente do xurado e o máis importante. Unha oportunidade para achegar a túa proposta a máis de 200 persoas.
-
Lia González
Directora de arte
-
Brais Suárez
Doutor en Economía
-
Antonio Facal
Director Conservatorio
-
Laura Boor
Divulgadora e artista
-
Belén Varela
Escritora e consultora
-
Javier Cebreiros
Doutor en Comunicación
Dúbidas frecuentes
(e importantes)
-
Para nós, non é tan importante onde naciches ou onde vives, senón o impacto que a túa proposta pode ter en Galicia (explicado na seguinte pregunta). Polo que podes presentarte independentemente da túa nacionalidade ou residencia.
-
Entendemos por impacto en Galicia o efecto que a túa traxectoria ou idea terá económica, social ou culturalmente na comunidade; ben sexa porque pode ter influencia en todo o territorio ou soamente nun ámbito, zona ou sector.
-
Animamos a todas as persoas que estean a facer unha traxectoria que impacta en Galicia a presentarse. A «Bolsa ensaia» non está destinada a ningún eido en particular.
-
É realmente doado: ler as bases. Moitas propostas, aínda que interesantes, non responden ás dúbidas que plantexamos nas bases. Aí atoparás respostas a moitas das túas consultas.
-
A bolsa está suxeita aos impostos que estipule a lexislación vixente, polo que sexas unha persoa física ou unha persoa dada de alta como autónoma, podes optar á mesma.
-
Por suposto. O paso do tempo fainos cambiar e mellorar moito as ideas polo que animámoste a expoñelas con tódolos avances acadados neste tempo.
-
Quixemos crear un proceso sinxelo e aberto para que puideses expresar as túas ideas no formato no que sintas maior comodidade; por iso, aínda que pedimos a resposta en texto breve, pedimos tamén un documento pdf moi importante para nós, con toda a información onde podes engadir material audiovisual, gráfico ou sonoro; soamente tes que garantir o acceso ás ligazóns (sen caducidade).
-
Isto é importante. Queremos apoiar a túa traxectoria polo que ti terás a propiedade total de todo o traballo que desenvolvas. Mira ben as bases, o único punto no que falamos de «propiedade intelectual» e que pode levar a confusión, é no apartado de «mostra, impronta ou detalle». Se recibes a nosa bolsa, refírese a un pequeno agasallo ou detalle que poidas entregarnos para o noso futuro museo, non a túa obra ou traballo.
Se despois de ler as bases e as dúbidas frecuentes tes algunha consulta, contacta con nós en administracion@ensaia.com · Trataremos de contestar coa maior brevidade posible
Coñece aquí ás finalistas doutras edicións da «Bolsa ensaia» ou revive a «Gala ensaia»
Rexistrando a unha xeración
Cada ano traballamos por aumentar a nosa pegada con iniciativas que visibilicen as traxectorias das persoas que estamos a descubrir grazas á Bolsa ensaia, polo animámoste a seguir o noso podcast «As follas novas» e presentarte para poder estar aquí algún día.
Proxecto feito grazas ás 234 pingas que, anónima e desinteresadamente fan posible esta bolsa
O movemento ensaia é real pola xenerosidade dunha comunidade de máis de dúascentas persoas (pingas) movida polo desexo de impactar positivamente na seguinte xeración creando unha cultura de xenerosidade.