Bolsas
ensaia
Facernos grandes pasa por facer grandes aos demáis.
Cada ano, a comunidade de persoas (pingas) doan voluntaria, anónima e independentemente cartos para facer posible a «Bolsa ensaia», que consiste en outorgar dúas bosas de 6.000€ para impulsar a traxectoria de persoas que impactarán en Galicia.
Persoas receptoras da «Bolsa ensaia»
Mentres damos forma á «Bolsa ensaia 2025» aquí tes ás persoas que ata agora recibiron este apoio que consiste na bolsa económica de 6.000€ así como o acompañamento dalgunhas das persoas da comunidade.
-
Adra Pallón
Fotografía | 2024 (R)
Fotógrafo e viaxeiro comprometido coa memoria, adica a súa obra a homenaxear a cultura labrega e as persoas que sosteñen a identidade galega. Durante anos, percorreu a Galicia interior documentando problemáticas sociais e ambientais a través dunha lente humanista e evocadora.
-
Ana Díez
Xestión cultural | 2024 (R)
Cofundadora de «A Seara», axencia cultural que está a transformar o panorama artístico galego, impulsa proxectos culturais defendendo a lingua e a identidade galega. Aposta por dar visibilidade a artistas emerxentes consolidando a arte galega e fortalecendo as raíces culturais do noso territorio.
-
Adrián M. Pereiro
Lutería | 2023 (R)
Luthier galego que busca crear unha peza elaborada con catro madeiras das catro provincias galegas compartindo, en cada madeira, unha historia dun proxecto con impacto nos campos cultural, tradicional ou artesán.
-
Nuria Vil
Poesía | 2022 (R)
Desenvolve un proxecto de palabra falada coa intención de levar a poesía máis alá da escrita. Trata de esluir tódolos prexuizos ao redor da poesía. Autora do poemario «Simún», está a desenvolver unha nova obra chamada: «Delincuente».
Persoas receptoras da «Residencia ensaia»
Cada ano, unha das persoas finalistas recibe a «Residencia ensaia» que consiste nunha estadía dun mes de duración nun dos espazos creativos máis inspiradores do rural galego (Anceu coliving) que, ademais de incluír a estancia, ten unha bolsa económica de 600€ extra para gastos.
-
Julia Lago
Emprendemento rural | 2024
Artista, ilustradora e axitadora cultural, revolucionou o panorama artístico urbano coa Grelería, unha galería na Coruña que combinaba arte e participación comunitaria. Agora, leva este proxecto á montaña lucense para crear un espazo único de convivencia e creación. Será un lugar onde artistas de todo o mundo compartan experiencias coa veciñanza, promovendo cultura, aprendizaxe e sustentabilidade nunha contorna privilexiada.
-
Antía Ameixeiras
Música | 2023
Violinista e cantante, non soamente quere ampliar o seu universo musical, senón dignificar o violín tradicional galego.
Namorada do instrumento dende os cinco anos, percorreu medio mundo con él. Agora, concentrada na creación propia coa agrupación Caamaño&Ameixeiras, reflexiona sobre a tradición querendo contribuír a súa evolución.
-
Chano Ripio
Debuxo | Cómic | 2022
Crear unha revista de cómic con artistas principalmente nados ou residentes en Galicia. Unir a unha comunidade de artistas, completamente libres de crear historias, que consigan facer pensar, inspirar e soñar ás novas mocidades.
Así é como Chano deu forma a «Boaonda cómic», a revista que aposta polo talento galego emerxente.
Finalistas da «Bolsa ensaia»
A «Bolsa ensaia» non é un premio nin un concurso. O propósito da mesma é apoiar a persoas que buscan facer unha traxectoria que impacta positivamente en Galicia. Velaí que dende a admiración e co obxectivo de contribuír ao maior número de persoas, sintamos que cada persoa finalista ten un enorme potencial no territorio. Animámosche a coñecelas en profundidade.
-
Amalia Puga
-
Rubén M. Mosteiro
Olería | 2024
Oleiro, artesán e estudante de Belas Artes. Adica a súa traxectoria á recuperación das formas e técnicas tradicionais, mesturándoas cunha estética contemporánea. Traballa por recuperar espazos artesanais onde compartir coñecemento e tecer redes.
Contacto -
Sandra Parguiña
Deseño téxtil | 2024
Deseñadora gráfica e téxtil, adica o seu talento ao deseño de panos de seda, un formato para transmitir historias e preservar a memoria colectiva. O seu proxecto combina arte e patrimonio galego. Busca levar a cultura galega ao panorama internacional do deseño.
-
Hadrián Jamardo
Banda deseñada | 2024
Integrador social e debuxante utiliza o cómic como ferramenta para reflexionar sobre temas sociais e culturais desde unha perspectiva galega. A súa obra mestura costumismo e retro-futurismo, explorando cuestións como a evasión a través da arte.
-
Montse Piñeiro
Artes plásticas | 2024
Explorando a conexión entre luz, corpo e movemento nas súas creacións escultóricas e de artes vivas e cunha traxectoria destacada como iluminadora e escenógrafa, traballa por levar o cinema á Galicia rural conectando comunidades coa arte e a tecnoloxía, deixando un legado creativo na periferia galega.
Instagram · Contacto -
-
-
-
-
-
-
-
-
-
Sergio Sande
-
-
Alejandra Balboa
Gala ensaia
Podes vivir connosco un dos momentos máis especiais desta comunidade: a gala ensaia. Nesta xuntanza non soamente anunciamos á persoa que recibe a «Bolsa ensaia», senón que aproveitamos para escoitar e aprender de tódalas persoas finalistas.
